पूँजी बजारको विकास र स्थायित्वका लागि सक्रियतापूर्वक पहल गर्ने अर्थमन्त्रीको प्रतिबद्धता

काठमाडौँ । धितोपत्र ब्रोकर्श एशोसिएसन नेपालका पदाधिकारीहरुले नवनियुक्त अर्थमन्त्री विष्णु पौडेलसँग भेटवार्ता गरेका छन् ।

एशोसिएसनका अध्यक्ष सागर ढकालको नेतृत्वमा गएको पदाधिकारी टोलीले अर्थमन्त्री पौडेललाई बधाई तथा शुभकामना प्रदान गरेको छ ।

सो भेटमा एशोसिएसनका तर्फबाट अध्यक्ष ढकालले नवनियुक्त अर्थमन्त्रीबाट पूँजी बजारको सुधार विकासका लागि अग्रगामी नेतृत्वको आशा गरेको बताउँदै सफल कार्यकालको शुभकामना तथा बधाई ज्ञापन गरे ।

त्यस्तै, मन्त्री पौडेलले पूँजी बजार प्रति आफू सकारात्मक रहेको र यस क्षेत्रको विकास र स्थायित्वका लागि सक्रियता पूर्वक पहल गर्ने प्रतिबद्धता व्यक्त गरे ।