काठमाडौं । चालू आर्थिक वर्ष (२०८०/८१)को पहिलो दुई महिनामा मुलुकले २ खर्ब ३७ अर्ब व्यापारघाटा व्यहोरेको छ । यस अवधिमा आयात १.०८ प्रतिशतले बढ्दा व्यापारघाटा पनि १.७८ प्रतिशतले बढेको हो ।
भन्सार विभागका अनुसार निर्यात व्यापारमा भने ५.१२ प्रतिशतले गिरावट देखिएको छ ।
भदौसम्म नेपालले २ खर्ब ६२ अर्ब ५४ करोड रुपैयाँ बराबरको आयात गर्दा निर्यात भने २५ अर्ब ९ करोडमात्र गर्न सकेको छ ।
भदौसम्म १ ३६ अर्ब ९५ करोड रुपैयाँ बराबरको पेट्रोलियम पदार्थ आयात भएको विभागले जनाएको छ ।
भारतसँग यस अवधिमा १ खर्ब ४४ अर्ब व्यापारघाटा छ भने चीनसँग ५१ अर्ब ८० करोड रुपैयाँ व्यापारघाटा रहेको छ । अमेरिकासँग भने व्यापारघाटा ६ करोड ६४ लाखमात्र छ ।
प्रतिक्रिया