गौशाला धर्मशालाबाट मारवाडी सेवा समितिलाई तत्काल नहटाउन अदालतको आदेश

काठमाडौं । उच्च अदालत पाटनले पशुपतिस्थित गौशाला धर्मशालाबाट मारवाडी सेवा समितिलाई तत्कालका लागि नहटाउन अल्पकालिन अन्तरिम आदेश जारी गरेको छ । न्यायाधीश डालकुमार खड्काको एकल इजलासले शुक्रबार अल्पकालिन अन्तरिम आदेश जारी गरेको हो ।

मारवाडी सेवा समितिले पशुपति क्षेत्र विकास समिति र काठमाडौँ महानगरपालिकासहित ११ वटा निकायविरुद्ध उच्चमा रिट दायर गरेको थियो ।

न्यायाधीश खड्काको एकल इजलासले अन्तरिम आदेशका लागि दुवै पक्षलाई छलफलका लागि बोलाएको छ।