लामिछानेलाई ६ दिन हिरासतमा राख्न अदालतको अनुमति

काठमाडौँ । राष्ट्रिय स्वतन्त्र पार्टी (रास्वपा) का सभापति रवि लामिछानेलाई ६ दिन हिरासतमा राख्न अदालतले अनुमति दिएको छ ।

कास्की जिल्ला अदालतका न्यायाधीश नवराज दाहालको इजलासले लामिछानेलाई ६ दिन हिरासतमा राखेर अनुसन्धान गर्न अनुमति दिएको हो ।

सूर्यदर्शन सहकारीको बचत रकम अपचलन प्रकरणमा लामिछानेलाई शुक्रबार काठमाडौंबाट पक्राउ गरी पोखरा पुर्‍याइएको थियो । उनलाई सहकारी ठगी र संगठित अपराधमा अनुसन्धान गर्न भन्दै जिल्ला प्रहरी कार्यालय कास्कीले म्याद थपका लागि आज अदालतमा उपस्थित गराएको थियो ।