काठमाडौं । चालु आर्थिक वर्षको तीन महिनामा बैंकहरुले १६ अर्ब १८ करोड ९४ लाख रुपैयाँ खुद नाफा आर्जन गरेका छन् ।
गत वर्षको यसै अवधिको तुलनामा बैंकहरुको नाफा २०.१८ प्रतिशतले बढेको छ । गत वर्षको यसै अवधीमा बैंकहरुले १३ अर्ब ४७ करोड रुपैयाँ नाफा कमाएका थिए ।
तथ्याङ्क अनुसार सबैभन्दा धेरै मुनाफा कमाउने बैंकमा नबिल बैंक सबैभन्दा अगाडि रहेको छ । नबिल बैंकले यस अवधिमा २ अर्ब ५ करोड रुपैयाँ खुद नाफा कमाएको छ ।
त्यसैगरी, ग्लोबल आइएमई बैंकले १ अर्ब ५१ करोड, नेपाल इन्भेष्टमेन्ट मेगाले १ अर्ब ४६ करोड, प्राइम कर्मसियलले १ अर्ब २८ करोड, एनइमबिले १ अर्ब १४ करोड, एभरेष्ट बैंकले १ अर्ब १२ करोड, कुमारी बैंकले १ अर्ब ७ करोड र प्रभुले १ अर्ब ४ करोड रुपैयाँ खुद नाफा कमाएका छन् ।
प्रतिक्रिया