१४ अंकले घट्यो नेप्से, ७ अर्ब ९१ करोडको कारोबार

काठमाडौँ । बुधबार सेयर बजार परिसूचक नेप्से १४.१२ अंकले घटेर दुई हजार ७३४.८३ विन्दुमा पुगेको छ ।


आज बैंकिङ २१, माइक्रोफाइनान्स १९, जीवन बीमा १६२, अन्य १७, उत्पादन ६८, होटल तथा पर्यटन ४, निर्जीवन बीमा १६७ र ब्यापार उपसमूह ५९ अंकले घटेको छ ।
त्यस्तै, विकास बैंक ८०, फाइनान्स १५१ र हाइड्रोपावर उपसमूह २८ अंकले बढेको छ ।


आज कुथेली बुखरी स्मल हाइड्रोपावरको सेयर १० प्रतिशतले घटेको छ । समग्रमा बजार घटे पनि आज सम्पकोशी डेभलपमेन्ट बैंक, सिर्जनशील लघुवित्त मकर जीतुमाया सुरी हाइड्रोपावर, पोखरा फाइनान्स र समृद्धि फाइनान्सको सेयर १० प्रतिशतले बढेको छ ।



यस दिन ३०८ कम्पनीको एक करोड ५३ लाख कित्ता सेयर ७ अर्ब ९१ करोडमा कारोबार भएको छ ।