सेयर बजारमा दोहोरो अंकको वृद्धि, १० अर्बको कारोबार

काठमाडौँ । बिहिबार सेयर बजार परिसूचक नेप्से १३.९५ अंकले बढेर दुई हजार ७४८.७८ विन्दुमा पुगेको छ ।



आज बैंकिङ ६, विकास बैंक ६७, माइक्रोफाइनान्स ३९, अन्य १३, होटल तथा पर्यटन ६४ र हाइड्रोपावर उपसमूह ४७ अंकले बढेको छ । त्यस्तै, आज जीवन बीमा ४, उत्पादन २१, निर्जीवन बीमा ११, फाइनान्स ३ र ब्यापार उपसमूह २२ अंकले घटेको छ ।

आज गुँरास लघुवित्त, स्वाभिमान लघुवित्त र अपर हेवाखोला हाइड्रोपावरको सेयर १० प्रतिशतले बढेको छ । समग्रमा बजार बढेपनि आज रावा इनर्जी डेभलपमेन्टको सेयर झण्डै साढे ९ प्रतिशतले घटेको छ ।


यस दिन ३२१ कम्पनीको दुई करोड १६ लाख कित्ता सेयर १० अर्ब ३२ करोडमा कारोबार भएको छ ।