२९.८७ अंकले बढ्यो सेयर बजार, १० अर्बको कारोबार

काठमाडौं । सोमबार सेयर बजार परिसूचक नेप्से २९.८७ अंकले बढेर दुई हजार ७२७.९१ विन्दुमा पुगेको छ ।



बैंकिङ २९, विकास बैंक १९, होटल तथा पर्यटन १५४, जीवन बीमा ११६, उत्पादन ५३, निर्जीवन बीमा १४३, माइक्रोफाइनान्स १२८ र अन्य उपसमूह ५१ अंकले बढेको छ । त्यस्तै आज फाइनान्स २३, हाइड्रोपावर ६ र ब्यापार उपसमूह ५५ अंकले घटेको छ ।



आज विन नेपाल लघुवित्त, गुराँस लघुवित्त, कुथेली बुखरी स्मल हाइड्रोपावर, एक्सल डेभलपमेन्ट बैंक, गार्डियन माइक्रोलाइफ इन्स्योरेन्स र दिव्यश्वरी हाइड्रोपावरको सेयर १० प्रतिशतले बढेको छ । समग्रमा बजार बढेपनि सप्तकोशी विकास बैंकको मूल्य १० प्रतिशतले घटेको छ ।


यस दिन ३०२ कम्पनीको एक करोड ८० लाख कित्ता सेयर १० अर्ब ४ करोडमा कारोबार भएको छ ।