काठमाडौं । सरकारले नेपाल विद्युत प्राधिकरणको प्रबन्ध निर्देशकमा हितेन्द्र देव शाक्यलाई नियुक्त गरेको छ ।सोमबार बसेको मन्त्रिपरिषद् बैठकले कुलमान घिसिङलाई बर्खास्तसँगै शाक्यलाई नियुक्त गर्ने निर्णय गरेको हो ।
शाक्यलाई यसअघि पनि ओली सरकारले सोही पदमा नियुक्त गरेको थियो । सरकार परिवर्तनसँगै देउवा सरकारले उनलाई हटाएर कुलमानलाई नियुक्त गरेको थियो ।
सोमबारको मन्त्रिपरिषद् बैठकले नेपाल स्टक एक्सचेञ्ज (नेप्से) को प्रमुख कार्यकारी अधिकृत (सीईओ) मा नारदकुमार लुइँटेललाई नियुक्त गरेको छ ।
तत्कालीन सीईओ कृष्णबहादुर कार्कीको पदावधि सकिएपछि गत माघ २५ देखि नेप्सेको सीईओ पद खाली छ ।
लुइँटेल खुला प्रतिस्पर्धाबाट नियुक्त भएका हुन् ।
प्रतिक्रिया