काठमाडौं । मुलुकमा राजावादीहरुको चलखेल बढेसँगै रवि लामिछाने उत्साहित देखिएका छन् । कथित राजावादीहरुको समूहले हिंसात्मक आन्दोलन चर्काएपछि रविले आफ्नो स्पेश खोज्न थालेका छन् ।
सहकारी ठगी प्रकरणमा प्रत्यक्ष संलग्नता देखिएसँगै सांसद पदसमेत गुमाएका –निलम्बनको अवस्था) रास्वपा सभापति रवि लामिछाने पार्टीको जिम्मेवारीमा पुनः फर्किने भएका छन् ।
रवि लामिछाने सोमबारबाट सुरु हुने केन्द्रीय समिति बैठकमा सहभागी हुने कार्यसूची तय भएको कार्यवाहक प्रवक्ता मनिष झाले पुष्टि गरेका छन् । पार्टी कार्यालयबाटै पक्राउ परेका लामिछानेविरुद्ध मुलुकका विभिन्न जिल्ला अदालतमा सहकारी ठगीसम्बन्धी मुद्दा बिचाराधीन छ ।
लामिछानेले झन्डै २ करोड रुपैयाँ धरौटी बुझाएर थुनामा नबसी मुद्दा लड्ने सुविधा पाए पनि उनलाई प्रथम दृष्टिमा निर्दोष भन्न नमिल्ने सबै अदालतले थुनछेक बहसपछिको आदेशमा भनेका छन् ।
रास्वपाका धेरै नेताहरु राजतन्त्र पक्षधरको आन्दोलनप्रति आक्रामक देखिएसँगै त्यसलाई मत्थर पार्न रवि अचानक र जवर्जस्ती पार्टी राजनीतिमा फर्किएको जानकारहरु बताउँछन् ।
रविको सहानुभूति पूर्वराजा ज्ञानेन्द्र शाह र दुर्गा प्रसाईंप्रति छ । रविको सक्रियताले रास्वपा पनि राजावादी कित्तामा उभिने र राजा फर्काउने आन्दोलन बलियो बन्ने हिंसात्मक प्रदर्शन गरेका राजावादीहरुले अपेक्षा गरेका छन् ।
सोमबार हुने रास्वपाको पहिलो बैठकमा कार्यवाहक सभापति डीपी अर्यालबाट धन्यवाद ज्ञापन र दोस्रो बैठक रवि लामिछानेको सभापतित्वमा हुने जनाइएको छ ।
अर्यालले गत पुस ८ मा बसेको सचिवालय बैठकबाट कार्यवाहक सभापतिको जिम्मेवारी पाएका छन् । सहकारीको रकम अपचलनको मुद्धामा लामिछानेलाई २ कात्तिकमा प्रहरीले पक्राउ गरेको थियो ।
प्रतिक्रिया