रवीन्द्र मिश्रलाई हत्कडी

काठमाडौं । राष्ट्रिय प्रजातन्त्र पार्टी (राप्रपा)का वरिष्ठ उपाध्यक्ष रवीन्द्र मिश्रलाई प्रहरीले हत्कडी लगाएको छ । उनीसहित शुक्रबारको आन्दोलनका अगुवा तथा विध्वंशकारीहरुलाई केही बेरअघि म्याद थपका लागि काठमाडौं जिल्ला अदालत लगिएको छ ।

अदालत बन्द हुने बेलामा म्याद थपका लागि लगिँदा मिश्रलाई हत्कडी लगाइएको छ । यअसघि उनीहरुलाई सरकारी वकिलको कार्यालय लगिएको थियो ।

गत शुक्रबार राति पक्राउ परेका उनीहरूलाई राज्यविरुद्धको कसुरमा मिश्र र महामन्त्री धवल शमशेर राणासहित ११ विरुद्ध मुद्दा दर्ता गरेर म्याद थप हुँदैछ ।

त्यस्तै, आपराधिक उपद्रव र संगठित अपराधमा ४१ जनालाई म्याद थप गर्ने तयारी प्रहरीको छ ।