काठमाडौं । पूर्वमन्त्री तथा वामपन्थी नेता प्रदीप नेपालको निधन भएको छ ।
लामो समयदेखि पार्किन्सन रोगबाट पीडित नेपालको मंगलबार नर्भिक अस्पतालमा निधन भएको हो ।
७१ वर्षीय नेपाल रोगले थलिएपछि पछिल्लो दशक पार्टी राजनीतिबाट टाढा थिए ।
नेपाललाई सोमबार आईसीयूमा राखिएको थियो । उनी पूर्व पत्रकार समेत हुन् ।
२०५१ मा एमालेको अल्पमत सरकारमा सञ्चारमन्त्री रहेका नेपाल पछि शिक्षामन्त्री पनि भए ।
माधव नेपाल समूहबाट एमाले महासचिव पदमा प्रतिस्पर्धा गरे पनि झलनाथ खनाल समूहका ईश्वर पोख्रेलसँग पराजीत भएका थिए ।
पछिल्लोपटक उनी तत्कालीन गृहमन्त्री वामदेव गौतमको सल्लाहकार समेत भएका थिए ।
प्रतिक्रिया