काठमाडौं । सोमबार काभ्रेको पनौती क्षेत्रमा आएको अविरल वर्षाका कारण अवरुद्ध भएको बीपी राजमार्ग करिब १४ घन्टापछि पूर्ण रुपमा सञ्चालनमा आएको छ ।
बीपी राजमार्गको माम्तीस्थित रोशी खोलाको बाढीले सोमबार राति डाइभर्सन बगाएको थियो । हाल सो स्थानमा अस्थायी संरचना बनाई दुईतर्फी सडक सञ्चालनमा आएको इलाका प्रहरी कार्यालय मंगलटारले जनाएको छ ।
बाढीले बगाएको डाइभर्सन पुरिएको छ भने खोला डाइभर्ट गरिएपछि यातायात सञ्चालन सम्भव भएको हो ।
अवरुद्ध सडक खुलाउन सडक विभागको ४ वटा जेसीबी, ५ वटा टिपर लगेर कल्भर्टहरू बगाएको ठाउँमा फिलिङ गरिएको थियो ।
सडकमा ठूलो क्षति भए पनि सरकारी निकायले तदारुकता देखाउँदा चाँँडै खुलेको स्थानीयवासी तथा चालकहरुले बताएका छन् ।
प्रतिक्रिया