काठमाडौँ । जेनजी आन्दोलनका क्रममा क्षतिग्रस्त भौतिक संरचनाहरुको पुनर्निर्माण, आर्थिक पुनरुत्थान तथा राहत लगायतका कार्यमा सहयोग पुर्याउने उद्देश्यले सिद्धार्थ प्रिमियर ईन्स्योरेन्सले संस्थागत सामाजिक उत्तरदायित्व अन्तर्गत नेपाल सरकारले स्थापना गरेको भौतिक पूर्वाधार पुनर्निर्माण कोषमा एक करोड एक लाख रुपैयाँ आर्थिक सहयोग उपलब्ध गराएको छ ।
ईन्स्योरेन्सका अध्यक्ष सुरेशलाल श्रेष्ठले आज उक्त रकमको चेक अर्थमन्त्री रामेश्वर खनाललाई हस्तान्तरण गरेका छन् ।
सो अवसरमा भौतिक पूर्वाधार पुनर्निर्माण कोषमा इन्स्योरेन्सले पुर्याएको योगदानका लागि अर्थमन्त्री खनालले धन्यवाद ज्ञापन गरे।
उक्त भेटमा अर्थ सचिव, राजस्व सचिव लगायत सिद्धार्थ प्रिमियर ईन्स्योरेन्स लिमिटेडका प्रमुख कार्यकारी अधिकृत समेतको उपस्थिति रहेको थियो ।
प्रतिक्रिया