काठमाडौं । लकडाउनको मौका छोप्दै व्यापारीहरुले चरम कालोबजारी गर्ने गरेको पाइएको छ । सरकारले अनुगमन गर्दा आधाभन्दा बढी व्यावसायिक फर्मले कालोबजारी गरेको पाइएको हो ।
वाणिज्य, आपूर्र्ति तथा उपभोक्ता हित संरक्षण विभागले लकडाउन अवधिमा कुल १२० फर्ममा अनुगमन गरेको थियो । यसक्रममा आधाभन्दा बढी अर्थात ६४ व्यावसायिक फर्मले ठगी गरेको पाइएको छ ।
यसरी उपभोक्ता ठगी गर्ने फर्मबाट विभागले ९१ लाख ४५ हजार रुपैयाँ जरिवाना गरेको छ । कानुनअनुसार विभागले तत्कालै यस्ता फर्ममाथि ३ लाख रुपैयाँसम्म जरिवाना गराउन सक्छ ।
फर्महरुमाथि कृत्रिम अभाव गराएर सामानमा बढी मूल्य लिएको, नापतौलमा कमी, खरिद बिल नभएको जस्ता शीर्षकमा कारबाही गरिएको छ ।
विभागका अनुसार कारबाही पर्नेमा अनलाइन, अस्पताल, औषधि पसल, खाद्य उद्योग, खाद्यान्न तथा किराना स्टोर, ग्यास, तरकारी तथा फलफूल, दुग्धजन्य पदार्थ, पानी उद्योग, पेट्रोल पम्प, माछा पसल, मासु पसल, सर्जिकल पसल, र सुपर मार्केट रहेका छन् ।
विभागले १० महिनामा ५ सय ६८ फर्मलाई जरिवाना गरेको छ ।
प्रतिक्रिया