१७.५३ अंकले घट्यो नेप्से, साढे १४ अर्बको कारोबार

काठमाडौँः साताको अन्तिम कारोबार दिन बिहीबार (आज) नेपाल स्टक एक्सचेञ्ज (नेप्से) परिसूचक दोहोरो अंकले घटेको छ । आज नेप्से परिसूचक १७.५३ अंकले घटेर २ हजार ७१४.०५ विन्दुमा बन्द भएको हो।

आज ३ करोड ५४ लाख ७७ हजार कित्ता सेयर खरिद–बिक्री हुँदा १४ अर्ब ५६ करोड ३१ लाख रुपैयाँ बराबरको कारोबार भएको छ।

आज ८५ कम्पनीको सेयर मूल्य बढेको छ भने १७० कम्पनीको सेयर मूल्यमा गिरावट आएको छ। ५ वटा कम्पनीको सेयरमूल्य स्थिर छ ।

त्यस्तै, हिमाल दोलखा हाइड्रोपावर र शिव श्री हाइड्रोपावरको सेयरमूल्य सर्किट लेभलमा बढेको छ भने सर्वाधिक कारोबार ङादी ग्रुप पावरको भएको छ । सो कम्पनीको ५९ करोड ९९ लाख रुपैयाँ बराबरको शेयर किनबेच भएको छ ।