२७.१९ अं‌कले बढ्यो नेप्से, साढे ११ अर्बको कारोबार

काठमाडौं । बिहिबार सेयर बजार परिसूचक नेप्से २७.१९ अंकले बढेर दुई हजार ७०८.७० विन्दुमा पुगेको छ ।






बैंकिङ ७, विकास बैंक ५३, फाइनान्स १२, होटल तथा पर्यटन १७, हाइड्रोपावर ५८, जीवन बीमा १४३, उत्पादन ६९, माइक्रोफाइनान्स २९, निर्जीवन बीमा २१८ र अन्य उपसमूह ४६ अंकले बढेको छ ।
त्यस्तै आज व्यापार उपसमूह १८ अंकले घटेको छ ।


आज कालिञ्चोक दर्शन, सुपरमाई हाइड्रोपावर र मोदी इनर्जीको सेयर १० प्रतिशतले बढेको छ । समग्रमा बजार बढेपनि आज सुपर मादी हाइड्रोपावरको सेयर ९.९८ प्रतिशतले घटेको छ ।


यस दिन ३२६ कम्पनीको तीन करोड ५५ लाख कित्ता सेयर ११ अर्ब ५८ करोडमा कारोबार भएको छ ।