काठमाडौँ । टक्सार पिखुवा खोला हाइड्रोपावरले फागुन २७ गतेदेखि आईपीओ निष्कासन गर्ने भएको छ। कम्पनीले भोजपुरका आयोजना प्रभावित स्थानीय र वैदेशिक रोजगारीमा रहेका नेपालीलाई लक्षित गरी पहिलो चरणमा सेयर जारी गर्न लागेको हो।
कम्पनीले नेपाल धितोपत्र बोर्ड बाट जारी पूँजीको ३५.२६५ अर्थात ४२ करोड ३० लाख रुपैयाँ बराबरको ४२ लाख ३० हजार ६६८ कित्ता आईपीओ निष्कासन अनुमति पाएको छ। जसमध्ये १२ लाख कित्ता प्रभावित क्षेत्रका बासिन्दा, ३ लाख ३ हजार ६७ कित्ता वैदेशिक रोजगारीमा रहेका नेपाली, १ लाख ५१ हजार ५३३ कित्ता सामूहिक लगानी कोष र ६० हजार ६१३ कित्ता कर्मचारीका लागि छुट्याइएको छ। बाँकी २५ लाख १५ हजार ४५५ कित्ता सेयर सर्वसाधारणलाई दोस्रो चरणमा बिक्री गरिनेछ।
प्रभावित क्षेत्रका बासिन्दा र वैदेशिक रोजगारीमा रहेका नेपालीले न्यूनतम १० देखि अधिकतम ५० हजार कित्तासम्म आवेदन दिन सक्नेछन्। प्रभावित क्षेत्रका लागि आवेदन चैत ११ (ढिलोमा चैत २६) सम्म र वैदेशिक रोजगारीमा रहेका नेपालीका लागि चैत १ (ढिलोमा चैत ११) सम्म खुला रहनेछ।
आईपीओ निष्कासन तथा बिक्री प्रबन्धक प्रभु क्यापिटल लिमिटेड रहेको छ।
प्रतिक्रिया