काठमाडौं । नेपाल इन्फ्रास्ट्रक्चर बैंक लिमिटेडको २० करोड कित्ता साधारण सेयर नेपाल स्टक एक्सचेञ्ज लिमिटेडमा सूचीकरण भएको छ ।
सेयर सूचीकरणका लागि बिहीबार भएको सम्झौतामा नेपाल स्टक एक्सचेञ्जको तर्फबाट प्रमुख कार्यकारी अधिकृत चन्द्रसिंह साउद र नेपाल इन्फ्रास्ट्रक्चर बैंकको तर्फबाट प्रमुख कार्यकारी अधिकृत रामकृष्ण खतिवडाले हस्ताक्षर गरे ।
अंकित तथा चुक्ता मूल्य १ सय कायम भएको २० करोड कित्ता शेयर सूचीकरण गर्ने सम्झौता भएको हो ।
नेपाल इन्फ्रास्ट्रक्चर बैंकले धितोपत्र निष्कासन तथा बिक्री प्रबन्धक एनआईबिएल एस क्यापिटल लिमिटेड मार्फत ८ करोड कित्ता शेयर सर्वसाधारण, कर्मचारीहरु र सामुहिक लगानी कोषका लागि विक्री खुल्ला आब्हान गरेको थियो ।
बैंकका संस्थापकहरुले लगानी गरेको १२ करोड कित्ता सेयर समेत गरी जम्मा २० लाख कित्ता शेयर वितरण भई नेपाल स्टक एक्सचेञ्ज लिमिटेडमा सूचीकरण भएको जनाइएको छ ।
नेपाल स्टक एक्सचेञ्ज रनेपाल इन्फ्रास्ट्रक्चर बैंक बीच सम्झौताभएको दोस्रो दिनबाट नेपाल स्टक एक्सचेञ्जमा बैंकको धितोपत्र निफ्राको कोडबाट दोस्रो बजारमा कारोबार शुरु हुनेछ ।
बैंकले शेयर सूचीकरण पश्चातदिनुपर्ने शेयर रजिष्ट्रार सेवाको लागिग्लोबल आइएमई क्यापिटल लिमिटेड, नक्साल, काठमाडौंलाई नियुक्त गरिसकेको छ ।
बैंकको गत आर्थिक वर्षको वित्तीय विवरण अनुसार प्रतिशेयर नेटवर्थ ११३ रुपैयाँ ६२ पैसा भएकाले नेप्सेले न्यूनतम ११३ रुपैयाँ ६२ पैसादेखि अधिकतम ३४० रुपैयाँ ८६ रुपैयाँसम्ममा कारोबार हुने जनाइएको छ ।
प्रतिक्रिया