धितोपत्र बोर्ड परिपक्व नभएको सीएनआईको टिप्पणी, अर्थमन्त्रीसमक्ष गुनासो

काठमाडौं । धितोपत्र बोर्डले लगानीका लागि जोखिमयुक्त कम्पनीको सूची सार्वजनिक गरेसँगै त्यसको तरंग निजी क्षेत्रसम्म पुगेको छ ।

निजी क्षेत्रको प्रतिनिधिमूलक संस्था नेपाल उद्योग परिसंघले धितोपत्र बोर्डले यसरी सूची सार्वजनिक गर्दा संवेदनशील हुन नसकेको टिप्पणी गरेको छ । परिसंघले अर्थमन्त्री विष्णु पौडेलसमक्ष यस विषयमा गुनासो गरेको हो ।

बोर्डले हालै लगानीका लागि जोखिमयुक्त भन्दै सूचीकृत कम्पनीको सूची सार्वजनिक गर्दा लगानीकर्ताको मनोबल घट्न गइ समग्र पुजीँ बजारमा नकारात्मक सन्देश प्रवाह भएको परिसंघको भनाइ छ ।

बिहीबार अर्थमन्त्रीसँगको भेटमा सीएनआईले यस्ताखाले संवेदनशील विषयमा नियमनकारी निकायले परिपक्व भूमिका खेल्नुपर्नेमा जोड दिइएको जनाएको छ ।