काठमाडौँ ।
यति एयरलाइन्सले अन्तर्राष्ट्रिय उडानको अनुमति पाएको छ ।
नेपाल नागरिक उड्डयन प्राधिकरणले नेपालको निजी लगानीको वायुसेवा कम्पनी यति एयरलाइन्सलाई बिहीबार अन्तर्राष्ट्रिय उडानको अनुमति दिएको हो ।
ननसेड्यूल तथा चार्टर्ड उडान गर्न सक्ने गरी अन्तर्राष्ट्रिय उडानको एओसी पाएको एयरलाइन्सले जानकारी दिएको छ । एयरलाइन्सले अब दक्षिण एसिया तथा दक्षण पूर्वी एसियाली मुलुकमा उडानको तयारी गर्ने जनाइएको छ ।
नेपालबाट अन्तर्राष्ट्रिय उडानका लागि अनुमति पाउँने पाचौँ कम्पनीमा यति एयरलाइन्स रहेको छ । यसअघि नेपाल एयरलाइन्स, हिमालय एयरलाइन्स, बुद्ध एयर र श्री एयरलाइन्सले अन्तर्राष्ट्रिय उडान भर्दै आएका छन् ।
प्रतिक्रिया