फेरि बढ्यो सुनको मूल्य, तोलाको कति ?

काठमाडौँ ।

आज नेपाली बजारमा सुनको मूल्य बढेको छ । नेपाल सुनचाँदी व्यवसाय महासङ्घका अनुसार आज सुन प्रतितोला २ सय रुपैयाँले बढेको हो ।

बुधबार प्रतितोला ९४ हजार ३०० रुपैयाँमा कारोबार भएको छापावाल सुन आज प्रतितोला ९४ हजार ५०० रुपैयाँमा कारोबार हुने महासंघले जनाएको छ । त्यस्तै, तेजाबी सुनको प्रतितोला ९४ हजार रुपैयाँ मा कारोबार भइरहेको छ ।

महासंघका अनुसार आज चाँदीको मूल्य भने स्थिर रहेको छ । बुधबार प्रतितोला १ हजार २८० रुपैयाँमा कारोबार भएको चाँदी आज पनि सोहि मूल्यमा कारोबार भइरहेको छ ।