काठमाडौं । उद्योग वाणिज्य तथा आपूर्ति मन्त्रालयका विभिन्न विभाग तथा निकाय प्रमुखहरुको वार्षिक कार्यसम्पादन प्रगति मूल्यांकनमा खाद्य प्रविधि तथा गुण नियन्त्रण विभागका महानिर्देशक विश्वबाबु पुडासैनी सबैभन्दा अगाडि देखिएका छन् ।
मन्त्रालयले हालै सार्वजनिक गरेको गत आर्थिक वर्षको वास्तविक प्रगति विवरण अनुसार विभागका महानिर्देशक पुडासैनीले कूल १०० पूर्णांकमा ९२ अंक पाएका छन् ।
यस्तै, प्रगति मूल्यांकनमा उद्योग विभागका महानिर्देशक जीवलाल भुसाल दोस्रो भएका छन् । भुसालले पनि सय पूर्णांकमा ८९.६ अंक पाएका छन् ।
मन्त्रालयका योजना, अनुगमन तथा मूल्यांकन महाशाखा प्रमुख सहसचिव प्रकाश दाहाल ८७ अंकसहित तेस्रो भएका छन् भने प्रशासन तथा संस्थान हेर्ने सहसचिव चन्द्रकला पौडेल चौथो भएकी छन् । पौडेलले कूल ८५ अंक पाएकी छन् ।
बजार अनुगमन गर्ने निकायका रुपमा परिचित वाणिज्य, आपूर्ति तथा उपभोक्ता संरक्षण विभागका महानिर्देशक प्रकाश पौडेलले पनि ८३.१ अंक पाएका छन् ।
मन्त्रालयका सचिवद्वय दिनेश भट्टराईले ८० तथा अर्जुन प्रसाद पोखरेलले ७६.५ अंकमात्र प्राप्त गरेको प्रतिवेदनमा उल्लेख छ ।
अन्य जिम्मेवार अधिकारी कसले कति अंक प्राप्त गरेका छन्, हेर्नुहोस् विस्तृत विवरण
प्रतिक्रिया