काठमाडौं । चालू आर्थिक वर्षको पहिलो ६ महिनामा ८ खर्ब ८० अर्ब ४९ करोड रुपैयाँ बराबरको व्यापारघाटा भएको छ ।
भन्सार विभागका अनुसार साउनदेखि पुस मसान्तसम्म ९ खर्ब ९९ अर्ब ३४ करोडको आयात हुँदा निकासी भने १ खर्ब १८ अर्ब ८५ करोडमा सीमित रह्यो ।
निकासी व्यापार ९५.४८ प्रतिशतले बढे पनि आयातमा समेत ५१.१३ प्रतिशतको वृद्धि हुँदा व्यापारघाटा ह्वात्तै बढेको हो ।
अघिल्लो आवको छ महिनाको तथ्यांकको तुलनामा व्यापारघाटा ५४.८६ प्रतिशतले बढेको छ ।
यद्यपि, कूल वैदेशिक व्यापारमा निकासीको हिस्सा भने अघिल्लो वर्षको तुलनामा बढेको छ । अघिल्लो वर्षको छ महिनामा निकासीको हिस्सा ८.४२ प्रतिशत रहेकोमा यस वर्ष भने १०.६३ प्रतिशत पुगेको छ अर्थात २६.२३ प्रतिशतले बढेको छ ।
वैदेशिक व्यापारमा आयातको हिस्सा अघिल्लो वर्ष ९१.५८ प्रतिशत रहेकोमा र चालू आवमा ८९.३७ प्रतिशतमा सीमित भएको छ ।
प्रतिक्रिया