तीन वाणिज्य बैंकसहित चार कम्पनीको बोनस सेयर नेप्सेमा सूचीकृत

आइतबार नेप्सेमा तीन वाणिज्य बैंकसहित चार कम्पनीको बोनस सेयर सूचीकृत भएको छ । नेपाल बङ्गलादेश बैंक, लक्ष्मी बैंक, सनराइज बैंक र गुराँस लाइफ इन्स्योरेन्सको बोनस सेयर सूचीकृत भएको हो ।

नेपाल बङ्गलादेश बैंकको १ करोड ८ लाख ५ हजार ७८५.४३ कित्ता, लक्ष्मी बैंकको ८५ लाख ५६ हजार ५५१.९ कित्ता, सनराइज बैंकको ६३ लाख ९ हजार ४३.०९ कित्ता र गुराँस लाइफ इन्स्योरेन्सको १० लाख ८६ हजार ६५४ कित्ता बोनस सेयर सूचीकृत भएको हो ।

सूचीकृत सेयर हितग्राही खातामा आएपछि लगानीकर्ताले खरीदबिक्री गर्न सक्नेछन् ।