सगरमाथा इन्स्योरेन्सद्वारा २१ प्रतिशत लाभांश घोषणा

सगरमाथा इन्स्योरेन्स कम्पनीले लाभांश घोषणा गरेको छ । कम्पनीले सेयरधनीका लागि २१.०५ प्रतिशत लाभांश दिने घोषणा गरेको हो ।

सञ्चालक समितिको बिहीबार बसेको बैठकले आर्थिक वर्ष २०७७/७८ को नाफाबाट हाल कायम चुक्ता पूँजीको २० प्रतिशत बोनस शेयर र कर प्रयोजनका लागि १.०५२६३ प्रतिशत नगद लाभांश प्रस्ताव गर्ने निर्णय गरेको हो ।

बीमा समितिबाट स्वीकृति र आगामी साधारण सभाले अनुमोदन गरेपछि सेयरधनीहरुले लाभांश पाउने छन् ।