सुनको मूल्यमा नयाँ रेकर्ड, तोलाकै एक लाख ५ हजार ५ सय

नेपाली बजारमा आज सुनको मूल्य २ हजार ५०० रुपैयाँले बढेको छ ।

नेपाल सुनचाँदी व्यवसायी महासंघका अनुसार आज सुन तोलामा दुई हजार ५०० रुपैयाँले वृद्धि भएसँगै छापावाल सुन एक लाख पाँच हजार ५ सयमा कारोबार भइरहेको छ । त्यस्तै, तेजाबी सुन प्रतितोला एक लाख ५ हजारमा कारोबार भइरहेको छ ।

महासंघका अनुसार आज चाँदीको मूल्य पनि तोलाको ४० रुपैयाँले वृद्धि भएको छ । आज चाँदी प्रतितोला एक हजार ४ सय रुपैयाँ कायम भएको छ ।