आईपीओ निष्कासन गर्ने तयारीमा छायादेवी कम्प्लेक्स

छायाँदेवी कम्प्लेक्स लिमिटेडले साधारण सेयर (आइपीओ) निष्कासन गर्ने भएको छ ।

आइपीओ बिक्री प्रबन्धकमा कम्पनीले प्रभु क्यापिटललाई नियुक्त गरेको हो । यसका लागि छायादेवीको तर्फबाट प्रबन्ध निर्देशक महेश्वरप्रकाश श्रेष्ठ र प्रभु क्यापिटलबाट प्रबन्ध निर्देशक दिनेश थकालीले सम्झौतामा हस्ताक्षर गरेका हुन् । कम्पनीले जारी पुँजीको १० प्रतिशत सेयर सर्वसाधारणमा बिक्री गर्ने भएको हो ।

३ लाख ५० हजार वर्गफिटभन्दा बढी क्षेत्रफल रहेको यस कम्प्लेक्सले काठमाडौंको ठमेलमा पाँच तारे होटेल र मेघा कम्प्लेक्स समेत सञ्चालन गरिरहेको छ ।