दोहोरो अंकले बढ्यो सेयर बजार, दुई अर्बको कारोबार

बिहिबार सेयर बजार दोहोरो अंकले बढेको छ । सेयर बजार परिसूचक नेप्से १२.४५ अंकले बढेर दुई हजार १८२.६३ विन्दुमा पुगेको छ ।

आज जलविद्युत् २७, निर्जीवन बीमा ५४, ब्यापार ८, फाइनान्स १७, उत्पादन ३४, विकास बैंक ५६, बैंकिङ उपसमूह ४, होटल तथा पर्यटन १२, माइक्रोफाइनान्स १६, जीवन बीमा उपसमूह ८४ र अन्य उपसमूह ३ अंकले बढेको छ । यस्तै, म्यूचुअल फन्ड ०.०२ अंकले घटेको छ ।

आज बाराही हाइड्रोको मूल्य १० प्रतिशतले बढेको छ । समग्रमा बजार बढे पनि आज गुरास लघुवित्तको मूल्य ४ प्रतिशतले घटेको छ ।

यसदिन २५७ कम्पनीका ५६ लाख कित्ता सेयर दुई अर्ब ६ करोड रुपैयाँमा कारोबार भएको छ ।