लगानीकर्ता र अर्थ मन्त्रालयबीच वार्ता, पुँजीगत लाभकर नै अन्तिम सहमति

आन्दोलनरत सेयर लगानीकर्ता र अर्थ मन्त्रालयबीच वार्ता भएको छ ।

आज अर्थ मन्त्रलायमा भएको वार्तामा अर्थमन्त्री प्रकाशशरण महतले हाल कायम ५ प्रतिशत र ७.५ प्रतिशत पुँजीगत लाभकर नै अन्तिम हुने बताएका छन् । 

यस्तै, मन्त्रालयको राजस्व महाशाखाले सूचना जारी गर्दै लेखेको छ ,‘आर्थिक विधेयक २०८० को दफा २९ का सन्दर्भमा प्राकृर्तिक व्यक्तिले लगानी गरेको सूचीकृत धितोपत्रहरु बिक्री गर्दा हुने लाभमा साविक बमोजिमकै कानूनी व्यवस्था कायम गरेको छ । त्यस्तो कारोबारबाट भएको लाभमा नियमानुसार दाखिला भएको ५ प्रतिशत वा ७।५ प्रतिशत पुँजीगत लाभकर अन्तिम कर हुने व्यहोरा सम्बन्धित लगानीकर्ता एवं सर्वसाधारणको जानकारीको लागि यो सूचना जारी गरिएको छ ।’