काठमाडौं महानगरपालिकाले आर्थिक वर्ष २०८०-८१ को लागि २५ अर्ब ५४ करोड रुपैयाँको बजेट ल्याएको छ ।
आइतबार बसेको १३ औँ नगरसभामा उपप्रमुख सुनिता डंगोलले २५ अर्ब ५४ करोड ७८ लाख २० हजार रैपयाँ विनियोजन भएको बताएकी हुन् ।
चालु आर्थिक वर्षको तुलनामा यो बजेट १३ करोडले धेरै हो। त्यसै, गरी चालुतर्फ ८ अर्ब ६१ करोड ५३ लाख २८ हजार र पुँजीगततर्फ १६ अर्ब ९३ करोड २४ लाख ९२ हजार विनियोजना गरिएको छ।
महानगरले आगामी वर्ष केन्द्र र प्रदेशबाट सशर्त अनुदान बापत १ अर्ब ४५ करोड ६२ लाख रुपैयाँ, निशर्त अनुदानतर्फ ७९ करोड ३६ लाख रुपैयाँ, आन्तरिक आय ६ अर्ब ३९ करोड रुपैयाँ आम्दानी हुने अनुमान गरेको छ।
त्यसैगरी बैंक मौज्दात बापत ११ अर्ब ७५ करोड रुपैयाँ,राजश्व बाडफाँटबाट २ अर्ब १६ करोड रुपैयाँ र सामाजिक सुरक्षा भत्ताबापत २ अर्ब ९९ करोड सहित २५ अर्ब ५४ करोड ७८ लाख रुपैयाँ आम्दानी हुने अनुमान गरेको छ।
प्रतिक्रिया