ललिता निवास जग्गा प्रकरणमा नेपाल प्रहरीको केन्द्रीय अनुसन्धान ब्यूरो (सीआईबी)ले हदम्याद नलाग्ने बताएको छ ।
सीआईबीले बुधबार पत्रकार सम्मेलन गर्दै मुलुकी ऐन २०२० अनुसार सरकारी लिखित कीर्तेमा हदम्याद लागू नहुने बताएको छ ।
मुलुकी ऐन २०२० मा सरकारी लिखत कीर्तेमा हद म्यादको व्यवस्था नभएको र त्यसअनुसार नै मुद्दा चलाउन लागिएको एआईजी किरण बज्राचार्यले बताइन् ।
यसै प्रकरणमा सीआईबीले मंगलबार सातजनालाई पक्राउ गरेको थियो । पक्राउ पर्नेमा पूर्व आयुक्त सुधिर शाह, व्यवसायी मीनबहादुर गुरुङ, तत्कालीन खरदार गोपाल कार्की, तत्कालीन शाखा अधिकृत धर्मप्रसाद गौतम, सुरेन्द्रमान कपाली, मालपोत कार्यालय डिल्लीबजारका तत्कालीन प्रमुख कलाधर देउजा र हुपेन्द्रमणि केसी रहेका थिए । यीमध्ये सुरेन्द्रमान कपाली, कलाधर देउजा र हुपेन्द्रमणि केसी भने हिजो नै छुटेका थिए ।
प्रतिक्रिया