प्रविधिको विकाससँगै चार्टर्ड एकाउन्टेन्टको काम महत्त्वपूर्ण : गभर्नर अधिकारी

नेपाल राष्ट्र बैङ्कका गभर्नर महाप्रसाद अधिकारीले विश्वव्यापी रुपमा चार्टर्ड एकाउण्टेनको काम महत्त्वपूर्ण हुँदै गइरहेको बताएका छन् ।

बिहीबार काठमाडौंमा नेपाल चार्टर्ड एकाउण्टेन्ट्स संस्थाले आयोजना गरेको कार्यक्रममा बोल्दै अधिकारीले पछिल्लो समय प्रविधिको विकाससँगै चार्टर्ड एकाउण्टेनको काम महत्त्वपूर्ण हुँदै गएको बताउएका हुन् ।

‘‘प्रविधिको विकाससँगै कार्यालयहरूमा चार्टर्ड एकाउण्टेनको काम महत्त्वपूर्ण हुँदै गइरहेको छ । विश्वव्यापीकरण परिवर्तनहरू चलिरहेको छ । हामीलाई आज थाहा भएको कुराले भोलि काम नगर्न सक्छ, त्यसैले हामीले आफ्नो पेसालाई रणनीतिक र विश्वसनीय व्यापार साझेदारको रूपमा पुनः परिभाषित गर्ने अवसरको रूपमा परिवर्तन गर्दै लैजानुपर्छ ।,’’ गभर्नर अधिकारीले भने, ‘‘यसबाहेक व्यवसायको विश्वव्यापी प्रकृतिको अर्थ भनेको चार्टर्ड एकाउण्टेन्सी अन्तर्राष्ट्रिय सन्दर्भमा बढ्दो रूपमा अपग्रेड हुँदै गइरहेको छ । विभिन्न संस्कृति र व्यावसायिक अभ्यासहरू बुझ्ने र विश्वव्यापी मानसिकताको विकास गर्ने आफ्नो क्षितिज फराकिलो बनाउन यो अवसर हेर्नुपनि उत्तिकै महत्त्वपूर्ण छ । नेपाल र विदेशका सबै सहभागी प्यानल र पेपर प्रस्तुतिकर्ताहरूलाई म सन्देश दिन चाहन्छु कि भविष्यमा हाम्रो पेसाको लागि राम्रो र सम्भावना छ ।’’