अन्तर्राष्ट्रिय चेन होटल ‘होलिडे इन एक्सप्रेस काठमाडौं’ सञ्चालनमा आएको छ ।
दुई अर्ब लगानीमा बनेको यस चेन होटलमा व्यवसायी नरेशलाल श्रेष्ठ, महेश्वर श्रेष्ठ र सुजित श्रेष्ठको लगानी रहेको छ । आज एक कार्यक्रमबीच संस्कृति पर्यटन तथा नागरिक उड्यन मन्त्री सुदन किराँतीले होटलको उद्घाटन गरेका हुन् ।
दुई रोपनी क्षेत्रफलमा निर्माण गरिएको यस होटलमा हाल १ सय कोठा रहेका छन् । होटलका अध्यक्ष नरेशलाल श्रेष्ठका अनुसार होटलमा स्वीमिङ पुलका साथै दुई वटा ब्याङक्वेट हल र दुई वटा रेस्टुरेन्ट रहेका छन् । यस्तै, होटलले हाल करिव १ सय जनालाई रोजगारी दिएको छ ।
नेपाल उद्योग वाणिज्य महासंघको कार्यकारिणी सदस्य तथा निर्यात समितिको सभापति समेत रहेका श्रेष्ठको नक्सालमै ‘स्वर्णिम बुटिक होटल’ पनि सञ्चालनमा रहेको छ ।
प्रतिक्रिया