प्रधानमन्त्रीको सचिवालय फेरिने, अपरिहार्य बाहेकका कार्यक्रममा नजाने

काठमाडौं । प्रधानमन्त्री पुष्पकमल दाहालले पूर्व निर्धारित र अपरिहार्य बाहेक कुनै पनि कार्यक्रममा नजाने घोषणा गरेका छन् । यसअघि सामान्य कार्यक्रममा पनि घन्छौं विताएर आलोचित प्रधानमन्त्रीले अब कार्यक्रममा कम उपस्थित हुने प्रतिवद्धता जनाए ।

मंगलबार सरकारको नेतृत्व सम्हालेको एक वर्ष पूरा भएको अवसरमा देशवासीका नाउँमा सम्बोधन गर्दैै प्रधानमन्त्री दाहालले नयाँ नीति तथा कार्यक्रम र बजेटको तयारी एवं विकास र सुशासनमा रहेका समस्या समाधान गर्न लाग्ने बताए ।

प्रधानमन्त्रीले सचिवालय परिवर्तन गर्ने घोषणा पनि गरेका छन् । “यही साता म प्रधानमन्त्री कार्यालयको संरचनात्मक परिवर्तन गर्दैछु, सिङ्गो राज्यका लागि त्यो एउटा संकेत र सन्देश हुनेछ,” उनले भने ।