काठमाडौं । नेपाल दूरसञ्चार प्राधिकरणले टेरामक्स प्रणााली खरीदमा अनियमितता गरेको आशंका गर्दै संघीय संसद प्रतिनिधिसभाको सार्वजनिक लेखा समितिले यसमा थप छानबीन गर्न अख्तियार दुरुपयोग अनुसन्धान आयोगलाई निर्देशन दिएको छ ।
समितिले टेरामक्स खरिद प्रक्रियामा कानुन उल्लंघन भएको ठहर गरेको छ भने आर्थिक अनियमितताका सम्बन्धमा थप अनुसन्धान गर्न अख्तियारलाई निर्देशन दिएको हो ।
बुधबार बसेको समिति बैठकले टेरामक्स खरीदसम्बन्धी प्रक्रिया यथास्थितिमा राख्नसमेत निर्देशन दिएको छ ।
“टेरामक्स खरिद प्रक्रियाको सबै काम हाललाई यथास्थितिमा राख्दै हालसम्म सम्पादित कार्यहरुको सुक्ष्म विश्लेषण तथा अनुसन्धान गर्दा यो प्रक्रियामा सैद्धान्तिक, नीतिगत र सर्वोच्च अदालतको परमादेश समेत उल्लंघन भएको समितिको ठहर छ,” समिति सभापति ऋषिकेष पोख्रेलले भने, “यसबारे शीघ्र अनुसन्धान गरी निष्कर्षमा पुर्याउन समिति अख्तियारलाई निर्देशन गर्ने निर्णय भएको छ ।”
प्रतिक्रिया