माघ २ गते ‘नेपाल सत्कार दिवस’ मनाइने

काठमाडौं । होटल संघ नेपालले माघ २ गते सत्कार दिवस मनाउने भएको छ ।

माघ २ गते मंगलबार काठमाडौंमा आयोजना गर्ने नेपाल सत्कार दिवसको सम्पूर्ण तयारी पूरा भएको हानले जनाएको छ ।
देशमा पहिलो पटक उत्सवको रुपमा आयोजना हुन लागेको उक्त दिवसमा होटल क्षेत्रको वर्तमान स्थिति, विकासका सम्भावनाहरुका साथै चुनौतीहरु बारे प्रस्तुति रहने जनाइएको छ ।

५८ वर्षअघि विधिवतरुपमा दर्ता भएको माघ २ गते स्थापना दिवस मनाउन होटल संघ नेपालले आयोजना गरेको उक्त सत्कार दिवसमा नेपाल इयरबुक २०२४ र ईलर्निङ प्लेटफर्म मार्फत दक्ष कामदार उत्पादन सम्बन्धी अनलाइन ट्रेनिङ प्याक को पनि सार्वजनिक हुने हानले जनाएको छ ।

कार्यक्रममा उल्लेखनीय योगदान पु¥याउने विशिष्ट व्यक्तित्वहरु सम्मानित हुने छन् भने सातै प्रदेशका मौलिक रैथाने खाना तथा पेय पदार्थबाट करिब ३ सय देशैभरिका होटल स्वसायीहरु लगायत स्वदेशी तथा विदेशी पाहुनाहरुलाई सत्कार गर्नेछन् ।