सुनचाँदीको मूल्यमा गिरावट, तोलाको कति ?

काठमाडौँ। नेपाली बजारमा आज सुनचाँदीको मूल्य घटेको छ ।

नेपाल सुनचाँदी व्यवसायी महासङ्घका अनुसार आज छापावाल सुनको मूल्य प्रतितोला एक हजार रुपैयाँले घटेर एक लाख २५ हजार रुपैयाँमा कारोबार भइरहेको छ । त्यस्तै, तेजाबी सुनको मूल्य पनि प्रतितोला एक हजारले घटेर एक लाख २४ हजार ४०० मा किनबेच भइरहेको छ ।

महासंघका अनुसार आज चाँदी प्रतितोला ३० रुपैयाँले घटेर एक हजार चार सय ६५ मा कारोबार भइरहेको छ । अन्तर्राष्ट्रिय बजारमा सुन र चाँदीको मूल्यमा भएको सामान्य गिरावटसँगै त्यसको असर नेपाली बजारमा पनि देखिएको हो ।