काठमाडौं । अख्तियार दुरुपयोग अनुसन्धान आयोगले एमडीएमएस ९१ करोड ९८ लाख ३० हजार रुपैयाँ भ्रष्टाचार गरेको भन्दै १९ जनाविरुद्ध मुद्दा दायर गरेको छ ।
नेपाल दूरसञ्चार प्राधिकरणका तत्कालीन अध्यक्ष दिगम्बर झा र पुरुषोत्तम प्रसाद खनालसहित वरिष्ठ निर्देशक आनन्द राज खनाल, निर्देशक मिन प्रसाद अर्याल, सहायक निर्देशक विनोद चन्द्र श्रेष्ठसमेत १९ जना विरुद्ध बिहीबार मुद्दा दायर गरिएको हो ।
उनीहरुसँगै २ वटा कम्पनी उपर गैरकानूनी लाभ तथा हानी पुर्याई भ्रष्टाचार गरेको सम्बन्धी आरोप–पत्र दायर गरिएको अख्तियारले जनाएको छ ।
मुद्दा दायर गरिएका अन्य कर्मचारीहरुमा निर्देशक दिपेश आचार्य, उपनिर्देशक सुरेन्द्रलाल हाडा, सहायक निर्देशकहरु रेवती राम पन्थ,संदिप अधिकारी, सूर्य प्रसाद लामिछाने रहेका छन् । यस्तै, उपनिर्देशक अच्युतानन्द मिश्र, सहायक निर्देशक विजय कुमार राय यादव, प्रतिक्षा पौडेल, निराजन कोइरालाविरुद्ध पनि भ्रष्टाचार मुद्दा दायर भएको छ ।
अख्तियारले मूलतः सार्वजनिक खरिद ऐन र सार्वजनिक खरिद नियमावली मिचेर खरिद प्रक्रिया अघि बढाएको आरोप लगाएको छ ।
प्रतिक्रिया