अण्डाको समर्थन मूल्य तोकियो, प्रतिक्रेट ३७५ देखि ४५० रुपैयाँसम्म

नेपाल लेयर्स कुखुरा पालक संघले अण्डाको समर्थन बिक्री मूल्य तोकेको छ ।

संघले अण्डा साइज अनुसार नयाँ समर्थन मूल्य तोकेको छ । नयाँ समर्थन मूल्य अनुसार ठूलो साइजको अण्डा प्रति क्रेट ३९० रूपैयाँ, मध्यम साइजको अण्डा प्रति क्रेट ३७५ रूपैयाँ र एक्सएल साइजका अण्डा प्रति क्रेट ४५० रूपैयाँ कायम गरिएको छ ।

संघका अनुसार नयाँ मूल्य चैत २२ अर्थात भोलिबाट लागू हुनेछ ।

नयाँ मूल्य लागू भएसँगै संघले बिक्रेतालाई सोही मूल्य अनुसार किनबेच गर्न आग्रह समेत गरेको छ ।