काठमाडौं । चालु आर्थिक वर्षको तेस्रो त्रैमाससम्ममा वाणिज्य बैंकहरुले ४० अर्ब ६८ करोड ३० लाख ८१ हजार रुपैयाँ खुद नाफा कमाएका छन् ।
गत वर्षको यसै अवधिको तुलनामा बैंकहरुको नाफा १३.४७ प्रतिशतले घटेको हो । गत वर्ष बैंकहरुले ४७ अर्ब १ करोड ५३ लाख ९४ हजार रुपैयाँ खुद नाफा कमाएका थिए ।
यस अवधिमा सबैभन्दा धेरै नाफा गर्नेमा नबिल बैंक रहेको छ । तेस्रो त्रैमाससम्ममा नबिल बैंकले ४ अर्ब ६६ करोड ८० लाख रुपैयाँ नाफा कमाएको छ । गत आर्थिक वर्षको तुलनामा भने बैंकको नाफा ८.७६ प्रतिशतले घटेको हो । गत वर्षको सोहि अवधिमा बैंकले ५ अर्ब ११ करोड ६१ लाख ७४ हजार रुपैयाँ नाफा कमाएको थियो ।
यस्तै, दोस्रो स्थानमा ग्लोबल आइएमई बैंक रहेको छ । यस बैंकले यस अवधिमा ३ अर्ब ३० करोड ६५ लाख रुपैयाँ नाफा कमाएको छ ।
प्रतिक्रिया