कपडा उद्योगलाई राहतः विद्युत महशुल ५०% छुट, ब्याजमा ५% बिन्दुले अनुदान !

काठमाडौं । सरकारले कपडा उद्योगलाई राहतको घोषणा गरेको छ । कपडा उद्योगले खपत गर्ने विद्युत महशुलमा ५० प्रतिशत छुट दिने तथा ब्याजमा ५ प्रतिशत विन्दुमा अनुदान दिइने उल्लेख छ ।
सरकारले आगामी आवमा २ दर्जन वस्तुमा आत्मनिर्भर हुने लक्ष्य लिएको छ । यस्तै, स्वदेशी वस्तु प्रयोग अनिवार्यको नारा दोहो¥याएको छ ।
अर्थमन्त्री डा. युवराज खतिवडाले संघीय संसदका दुवै सदनको संयुक्त वैठकमा आर्थिक वर्ष २०७६–७७ को आयव्यय विवरण (बजेट) प्रस्तुत गर्दै यस्तो जानकारी दिएका हुन् ।
जेठ १५ गते अर्को आर्थिक वर्षका लागि बजेट पेश गर्ने संवैधानिक व्यवस्था छ । केपी ओली नेतृत्वको दुईतिहाई बहुमतको सरकारका अर्थमन्त्री खतिवडाको यो दोस्रो बजेट हो ।