सेयर बजारमा ७९.८८ अंकको गिरावट, १९ अर्ब ७४ करोडको कारोबार

काठमाडौँ । आइतबर सेयर बजार परिसूचक नेप्से ७९.८८ अंकले घटेर दुई हजार ८९४.५७ विन्दुमा पुगेको छ ।



बैंकिङ ५६, विकास बैंक १४५, फाइनान्स १३९, होटल तथा पर्यटन १७७, हाइड्रोपावर १११, जीवन बीमा ३६९, उत्पादन १५३ , ब्यापार ७०, जीवन निर्जीवन बीमा ३२८ र अन्य उपसमूह ८० अंकले घटेको छ । त्यस्तै, आज माइक्रोफाइनान्स उपसमूह भने ५८ अंकले बढेको छ ।




आज सबैभन्दा धेरै मन्दाकिनी हाइड्रोपावरको सेयर ९.९ प्रतिशतले घटेको छ । समग्रमा बजार घटेपनि आज विन नेपाल, उपकार र आत्मनिर्भर लघुवित्तको सेयर १० प्रतिशतले बढेको छ ।



यस दिन ३३३ कम्पनीको ४ करोड २६ लाख कित्ता सेयर १९ अर्ब ७४ करोडमा कारोबार भएको छ ।