सेयर बजार राताम्मे, नेप्से परिसूचक ५८ अंकले घट्यो

काठमाडौँ । मंगलबार सेयर बजार परिसूचक नेप्से ५८.९३ अंकले घटेर दुई हजार ४७०.३९ विन्दुमा पुगेको छ ।


आज बैंकिङ २९, विकास बैंक १५१, फाइनान्स १३१, होटल तथा पर्यटन १६३, हाइड्रोपावर ८७,
जीवन बीमा १५०, अन्य ५३, उत्पादन १३१, माइक्रोफाइनान्स ११३, ब्यापार ७१, र निर्जीवन बीमा उपसमूह १७६ अंकले घटेको छ ।

आज सबैभन्दा धेरै हिमालयन हाइड्रोपावरको सेयर १० प्रतिशतले घटेको छ ।
समग्रमा बजार घटेपनि आज स्वरोजगार लघुवित्तको सेयर झण्डै ९ प्रतिशतले बढेको छ । 


यस दिन ३०९ कम्पनीको एक करोड ५५ लाख कित्ता सेयर ५ अर्ब ६८ करोडमा कारोबार भएको छ ।