अमेरिकी राष्ट्रपतिमा ट्रम्प विजयी

काठमाडौँ । अमेरिकाको ४७ औं राष्ट्रपतिमा डोनाल्ड ट्रम्प निर्वाचित भएका छन् । डेमोक्र्याट उम्मेदवार उपराष्ट्रपति कमला ह्यारिसलाई पराजित गरेर ट्रम्प दोस्रो कार्यकालका लागि राष्ट्रपति निर्वाचित भएका हुन् ।

यसअघि सन् २०१६ मा पहिलो पटक राष्ट्रपति निर्वाचित भएका ट्रम्प सन् २०२० को चुनावमा जो बाइडनसँग पराजित भएका थिए ।ट्रम्पको इलेक्टोरल भोट २७९ पुगेको छ ।

यस्तै, राष्ट्रपति रामन्चन्द्र पौडेलले ट्रम्पलाई दोस्रो पटक राष्ट्रपतिमा चयन भएको बधाई दिएका छन् । ‘तपाईलाई संयुक्त राज्य अमेरिकाको राष्ट्रपतिको रूपमा दोस्रो कार्यकालको लागि सफलताको शुभकामना । तपाईंको कार्यकालमा नेपाल–अमेरिका सम्बन्ध अझ सुमधुर हुँदै जानेमा म विश्वस्त छु ।’ पौडेलले सामाजीक सञ्जालमा लेखेका छन् ।