बिमा प्राधिकरणको अध्यक्षमा ५ जनाको नाम सर्टलिस्ट

काठमाडौं । नेपाल बिमा प्राधिकरणको अध्यक्ष पदमा ५ जनाको नाम ‘सर्टलिस्ट’ भएको छ । सर्टलिस्टमा कमलप्रसाद रेग्मी, चिरञ्जीवी चापागाईं, दामोदर बसौला, रामशरण पुडासैनी र शरद ओझा रहेका छन् ।

अध्यक्ष नियुक्तिका लागि गठन गरेको सिफारिस समितिको फागुन ४ गते बसेको बैठकले यी ५ जनाको नाम ‘सर्टलिस्ट’ गरेको हो ।
प्राधिकरणको अध्यक्ष पदका लागि १२ जनाको आवेदन परेको थियो ।

‘सर्टलिस्ट’ मा परेका ५ जनालाई फागुन ११ गते व्यवसायिक कार्ययोजनाको प्रस्तुतिकरण र अन्तरवार्ताको लागि बोलाएको अर्थमन्त्रालयले जनाएको छ ।