काठमाडौं । सरकारले नेपाल विद्युत प्राधिकरणलाई विदेशमा लगानी गर्न अनुमति दिएको छ । ऊर्जा, जलस्रोत तथा सिंचाइ मन्त्रालयले विदेशमा लगानी गर्न प्रतिबन्ध लगाउने ऐन, २०२१ को दफा ३ को उपदफा (२) बमोजिम प्राधिकरणलाई भारतमा लगानीका लागि स्वीकृति दिने निर्णय गरेको हो ।
मन्त्रालयको अनुमतिपछि प्राधिकरणले अब भारतमा ९ करोड ७ लाख ६ हजार ९६६ रुपैयाँ ३७ पैसा लगानी गर्न सक्नेछ ।
नेपाल विद्युत प्राधिकरणलाई मन्त्रालयले क्रस बोर्डर पावर ट्रान्समिसन (सीपीटीसी) कम्पनीको बिक्रीमा रहेको आइएल एन्ड एफएस इनर्जी डेभलपमेन्ट कम्पनी लिमिटेड (आईईडीसीएल)को संस्थापक शेयरअन्तर्गत नेपाल विद्युत प्राधिकरणको हिस्सामा पर्ने २९ लाख ७३ हजार १ सय ६३ कित्ता संस्थापक शेयर खरिदका लागि यो अनुमति दिएको हो ।
प्राधिकरणले प्रतिकित्ता १९.०५ भारतीय रुपैयाँका दरमा खरिद गर्न स्वीकृति दिने निर्णय गरेको मन्त्रालयका सचिव सुरेश आचार्यले जानकारी दिए ।
नेपाल सरकारले ढल्केबर–मुजफ्फरपुर ४०० के. भि. अन्तर्देशीय विद्युत प्रसारण लाइन अन्तर्गत नेपाल–भारत सीमादेखि भारतको मुजफ्फरपुरसम्म (भारतीय खण्ड) को प्रसारण लाइन निर्माणको लागि स्थापित सीपीटीसी कम्पनीको बिक्रीमा रहेको आईईडीसीएलकोको संस्थापक शेयर खरिदका लागि प्राधिकरणलाई स्वीकृति दिएको हो ।
प्रतिक्रिया