प्राधिकरण अध्यक्ष ओझालाई अर्थमन्त्रीले खुवाए शपथ, पदभार ग्रहण आजै

काठमाडौं । उपप्रधान तथा अर्थमन्त्री विष्णु पौडेलले नेपाल बिमा प्राधिकरणका नवनियुक्त अध्यक्ष शरद ओझालाई मंगलबार शपथ ग्रहण गराएका छन् ।

अर्थ मन्त्रालयका आयोजित समारोहमा पौडेलले ओझालाई शपथ ग्रहण गराएका हुन् । ओझालाई सोमबार बसेको मन्त्रिपरिषद बैठकले प्राधिकरण अध्यक्षमा नियुक्त गरेको हो ।

अध्यक्ष ओझाको कार्यकाल चार वर्षको हुनेछ ।

अर्थ मन्त्रालयमा आयोजित समारोहमा अर्थसचिव घनश्याम उपाध्याय, राजस्व सचिव दिनेशकुमार घिमिरेलगायतले ओझालाई बधाइ तथा सफलता कार्यकालको शुभकामना दिएका थिए ।

शपथलगत्तै प्राधिकरणको कार्यालयमा पुगेर नवनियुक्त अध्यक्ष ओझाले कार्यभार सम्हाले ।

कार्यभार सम्हाल्दै अध्यक्ष ओझाले कार्ययोजना बनाएर अघि बढ्ने बताए । आफूमाथि सरकारले गरेको विश्वासलाई नतिजामा परिणत गर्ने उल्लेख गर्दै उनले युवा पुस्तामाथिको विश्वास डगमगाउन नदिने प्रतिवद्धता जनाए ।