काठमाडौं । पाथीभर केबलकार निर्माण विवादलाई चर्काउन ताप्लेजुङ पुगेका विवादास्पद पूर्वमन्त्री राजेन्द्र महतोलाई स्थानीयले लखेटेपछि काठमाडौं फर्केर जातीय द्वन्द्व बढाउने गतिविधिमा उद्यत देखिएका छन् ।
केबलकार निर्माणका विषयमा मधेशबाट मान्छे लगेर प्रायोजित आन्दोलन गरेको भन्दै महतो गतसाता ताप्लेजुङबाट लखेटिएका थिए । विवादास्पद छवि र बदनाम विगतका कारण उनको संलग्नताले केबलकार निर्माणका विषयमा आलोचनात्मक टिप्पणी गर्नेहरु पनि पछि हटिसकेका छन् ।
महतो लगायत केही अतिवादीहरुले केबलकार निर्माणको सामान्य विवादलाई जातीय रंग दिन थालेसँगै सचेत समाजका प्रतिनिधिहरु त्यसबाट बाहिरिएर तटस्थ बस्न थालेका छन् ।
भारतले २०७२ सालमा नाकाबन्दी लगाउँदा सीमामा बसेर आयात ठप्प पार्ने अभियानका नेतृत्वकर्ता महतोकै जातीबादी अभिव्यक्तिका कारण सुदूरपश्चिममा टीकापुर हत्याकाण्ड भएको थियो ।
यद्यपि, यस हत्याकाण्डबाट रेशम चौधरी जेल गइ राजनीतिक जीवनसमेत सकिए पनि महतो कुनै अभियोगबिना नै फेरि जनता भड्काउने अभियानमा लागिसेकका छन् ।
मधेश केन्द्रित दलहरुमा कुनै भूमिका नभए पछि उनले राष्ट्रिय मुक्ति पार्टी नेपाल नामको पार्टी दर्ता गराएका छन् । पाथीभराबाट लखेटिएपछि काठमाडौंमा केन्द्रीय कार्य समिति बैठक भन्दै उनले यही विषयलाई उचाल्ने र जातीय द्वन्द्व बढाउनेगरी संघर्षको आह्वान गरेका छन् ।
उनको पार्टीले त्यहाँ राज्यद्वारा दमन, अन्याय भएको तथा स्थानीय राई, लिम्बु समूदायहरुमाथि जातीय संहार गरेर मानव अपराध गरेको जस्ता आरोप लगाएका छन् ।
प्रतिक्रिया