काठमाडौं । वाणिज्य बैंकहरुले चालु आर्थिक वर्षको ७ महिनामा ३६ अर्ब ६ करोड ७९ रुपैयाँ खुद नाफा कमाएका छन् ।
गत आर्थिक वर्षको यसै अवधिको तुलनामा बैंकहरुको नाफा १.६२ प्रतिशतले बढेको हो । गत वर्ष बैंकहरुले ३५ अर्ब ४९ करोड २४ लाख रुपैयाँ नाफा कमाएका थिए ।
सबैभन्दा धेरै नाफा कमाउनेमा नबिल बैंक रहेको छ । नबिल बैंकले माघ मसान्तसम्ममा ४ अर्ब ११ करोड रुपैयाँ खुद नाफा कमाएको छ ।
त्यसैगरी, ग्लोबल आइएमई बैंकले ३ अर्ब ८९ करोड तथा नेपाल इन्भेष्टमेन्ट मेगाले ३ अर्ब ४३ करोड कमाएको छ ।
सबैभन्दा कम एनआइसी एसिया बैंकले ४६ करोड ४७ लाख रुपैयाँ नाफा कमाएको छ ।
प्रतिक्रिया